12 avqust tarixində Budapeştdə keçirilən İstvan Gyulai Memorial (World Athletics Continental Tour Gold) turnirində şüvüllə tullanma üzrə dünya ulduzu Mondo Duplantis növbəti dəfə tarixə düşüb. İsveçli idmançı 6.29 metr hündürlüyü keçərək 13-cü dünya rekorduna imza atıb.
2023 Dünya Çempionatında qələbə qazandığı eyni stadionda çıxış edən Duplantis, yunan rəqibi Emmanouil Karalis ilə gərgin mübarizə aparıb. Hər iki idmançı 6.02 metr hündürlüyü ilk cəhddə keçib. Karalis 6.11 m-də iki dəfə uğursuz cəhd etdikdən sonra mübarizəni dayandırıb. Duplantis isə bu hündürlüyü uğurla keçərək ötən il burada müəyyən etdiyi Macarıstan rekordunu 1 sm artırıb.
Daha sonra planqon 6.29 m-ə qaldırılıb. Bu, iyun ayında Stokholmda vurduğu dünya rekordundan 1 sm yüksək idi. Duplantis ikinci cəhddə bu hündürlüyü də fəth edərək atletika tarixində növbəti möhtəşəm anı yaşadıb.
Yeni rekord Dünya Atletikasının təsdiq prosedurundan keçəcək.
